<- Voltar á "Portada"
Historia
Rodaxe é un obradoiro audiovisual que nace en Santa Uxía de Ribeira no ano 2008 e comeza a súa andadura como un grupo de traballo constituido por 12 profesores e profesoras de 8 institutos distintos. Durante o curso 2009-2010 reedítase o grupo de traballo coa incorporación de novos membros.
A idea principal de Rodaxe Obradoiro Audiovisual é a de ser un punto de encontro entre aficionados ao mundo audiovisual (e profesionais tamén) e a de desenvolver unha estrutura operativa que permita sacar adiante proxectos audiovisuais de todo tipo. Obxectivos principais de Rodaxe son aprender, divertirse, desenvolver e difundir ideas utilizando medios audiovisuais. É unha organización sen ánimo de lucro.
Como iniciativa que xorde do ámbito educativo, a organización de Rodaxe apóiase nas estruturas formativas colaborativas da Consellería de Educación, en particular e polo de agora na de Grupo de Traballo (GT), aínda que tamén se podería complementar coa de Seminario Permanente (SP), PFAC, etc.
Estas estruturas dan soporte ao traballo do grupo, favorecen a rutina semanal e a continuidade das actividades, achegan algúns recursos ao proxecto común e favorecen a participación de novo profesorado que pode obter ademáis un certificado da súa participación de horas de formación ou coordinación de actividades.
- Curso 2008/2009: GT Taller Audiovisual.
- Coordinador: Óscar N.A.
- Membros: Ana, Andrés, Lolo, María, Mónica, Nacho, Pascual, Petro, Tista,
- Curso 2009/2010: GT Taller Audiovisual.
- Coordinador: Óscar N.A.
- Membros: Ana, Andrés, Lolo, Maite, Nacho, Pascual, Petro, Xosé Xoán
Pero Rodaxe pretende ir máis alá do ámbito educativo e aspira a ser un proxecto aberto a calquera persoa profesional ou aficionada ao mundo audiovisual que queira colaborar. Calquera que teña unha idea que levar a cabo, que queira participar en algún proxecto ou que simplemente queira apoiar as actividades do grupo será sempre benvid@. Ademáis pretende ter continuidade no tempo e levar a cabo actividades todo o ano e non só durante o periodo lectivo.
Obxectivos
Os obxectivos principais de Rodaxe Obradoiro Audiovisual son:
-
Desenvolver material didáctico que permita achegarse ao mundo audiovisual dun xeito fundamentalmente práctico.
-
Recopilar recursos relacionados coa produción audiovisual
-
Desenvolver pequenos proxectos audiovisuais poñendo en práctica o aprendido.
-
Animar ao resto de profesorado a participar na creación de contidos educativos en formato audiovisual.
-
Animar ao resto da comunidade a participar e a desenvolver os seus propios proxectos audiovisuais.
- Difundir os traballos realizados así como os traballos alleos para os que se conte cos correspondentes permisos.
- Desenvolver anualmente o Festival Audiovisual Galego OlloBoi.
Organización
Algunhas das tarefas de organización de Rodaxe, máis alá das que supoñan proxectos e actividades concretos, son as seguintes:
Coordinación: coordinar, moderar e orientar as actividades do grupo. Animar a levar a cabo novos proxectos.
Relacións públicas: Tratar cós medios de comunicación, institutos e outras organizacións colaboradoras. Inclúe redactar e enviar as notas de prensa, xestionar os contactos e atender aos medios. Require estar ao tanto de todas as actividades que se levan a cabo para sabelas presentar axeitadamente. Inclúe tamén a difusión a través de Internet, redes sociais, blogs, etc.
Tesoreiro: Aínda que Rodaxe é unha organización sen ánimo de lucro, en ocasións hai que xestionar algúns recursos económicos para levar a cabo certas actividades, o que inclúe:
- Buscar formas de financiación
- Acadar patrocinadores (Institucións, Concellos, Empresas, Institutos, Bares e cafeterías, cines, etc.
- Xestión de cobros, pagos e facturas
Inventario: Xestionar os recursos audiovisuais comúns. Controlar a súa ubicación e estado, a quen se lle prestan. Sinalar o que é preciso mercar. Xestionar os produtos: desenvoltos por Rodaxe, como camisetas (á venda por 5 €), DVDs. Facer inventario, xestionar o almacenamento e transporte dos recursos.
Deseño e imaxe: Deseño de logos, carteis, entradillas, camisetas, etc.
Coordinar GT, SP, PFAC: Desenvolver o proxecto e presentalo en tempo e forma á Consellería. Convocar e dirixir as reunións de traballo. Facer as actas das reunións. Xestionar as docencias e as compras de material có presuposto asignado. Facer de enlace có CEFORE correspondente. Facer e presentar a memoria final así como calquera outra burocracia necesaria.
<- Voltar á "Portada"
Membros
Calquera profesional ou aficionado ao mundo audiovisual pode ser membro de Rodaxe e axudar a levar adiante esta iniciativa e sacar máis proveito dela.
Ventaxas e Dereitos.
- Asesoramento técnico e mesmo apoio financiero (se é posible) para levar a cabo proxectos audiovisuais.
Obrigas
- Participar activamente nalgún dos proxectos que se levan a cabo ou desenvolver un propio.
Lista de Correo: Os membros de Rodaxe dispoñen dunha lista de correo privada na que deben estar inscritos para facilitar a comunicación. Para isto deben aportar unha dirección de correo electrónico. A dirección de correo común para todo o grupo é taller-audiovisual@googlegroups.com. Para solicitar a inscricion na lista cunha dirección de correo electrónico distinta ou para configurar a suscripción:
http://groups.google.com/group/taller-audiovisual
Tipos de Membros
Membros dos GT, SP, PFAC asociados
Durante o curso lectivo considéranse membros de Rodaxe aqueles que pertenzan aos GT, SP ou PFAC asociados.
Ventaxas e Dereitos
- Uso das instalacións, materiais e recursos do taller.
- Docencias: Formación e posibilidade de traballo en grupo ou individual.
- Certificación da Xunta de 50 horas de formación por cada curso lectivo no grupo de traballo.
Obrigas
- Deberán asistir regularmente ás reunións semanais
- pódese faltar un certo número de días por asuntos propios.
- poderase faltar outro certo número de días por desenvolver actividades en outro lugar. Neses casos deberase presentar acta do traballo realizado.
- Recoméndase especialmente asistir ás docencias.
- Participar activamente nalgún dos proxectos que se levan a cabo e desenvolver un propio.
Outros Membros
Ademáis, tanto durante o periodo lectivo como fora del, poden ser membros de Rodaxe outras persoas participen, colaboren e amosen un interese real nas actividades, aínda que non pertenzan a un GT, SP ou PFAC asociados. Algúns dos requisitos a cumprir son os seguintes:
- Ter sido membro dun GT, SP ou PFAC asociado.
- Ter colaborado activamente nalgún proxecto de Rodaxe ou propoñer e levar a cabo un novo
- Asumir algunha tarefa organizativa.
<- Voltar á "Portada"
Actividades
Durante o periodo lectivo os membros dos GT,SP ou PFAC asociados reúnense regularmente no respectivo centro sede para desenvolver as seguintes actividades:
- Proxección de contidos audiovisual
- Investigar e recopilar recursos audiovisuais
- Debatir
- Practicar o manexo do software e outro equipamento
- Propoñer ideas
- Compartir información
- Xestionar o propio taller
Docencias
Dende o nacemento do obradoiro impartíronse as seguintes docencias aos seus membros:
- Introducción á Edición de Audio. Audacity.
- Formatos de Audio e Vídeo. Software de edición de vídeo.
- Introducción á montaxe.
- Introducción. Edición de Vídeo.
- Cómo se fixo a curta Nico por Davide Pérez.
- Interpretación diante da cámara por Luis Vivanco
Proxectos
Un dos obxectivos de Rodaxe é o desenvolvemento de proxectos audiovisuais, así como ofrecer colaboración e axuda para proxectos alleos, é dicir, vídeos e outras actividades relacionadas co mundo audiovisual, como por exemplo:
- Curtametraxes
- Reportaxes
- Actividades có alumnado
- Concursos
- Proxeccións
- Visitas a rodaxes
- etc.
<- Voltar á "Portada"
Recursos
Enténdense como recursos de Rodaxe todo aquel material, tanxible ou intanxible, tanto o creado e desenvolto polos membros do obradoiro como o accesible por éstes a través das institucións e organizacións coas que colabora. Neste sentido os Centros Sede dos Grupos de Traballo cobran gran importancia xa que aportan as instalacións onde se reúne o grupo semanalmente.
Equipamento (ideal) da aula de informática:
- 23 ordenadores,
- software necesario,
- auriculares e micrófono individual,
- altavoces,
- rede local con servidor de datos,
- impresora, escáner
- acceso a Internet,
- proxector,
- encerado,
- pizarra dixital??
Material Audiovisual:
- Cámara de vídeo (características) (do Depto. de Informática)
- Trípode (características) (do Depto. de Informática)
- Centro Reproductor Multimedia WD
- Disco Duro 2,5" WD
- Proxector
- Pantalla de proxección portátil
- Papel
- Bibliografía
Material TIC
Lista de Desexos
- Un equipo de iluminación profesional: dous focos de 800W, coas súas palas e os seus trípodes, un tubo de filtros de cores e un pack de reflectores de luz
Coordinador: aguado@edu.xunta.es
<- Voltar á "Portada"
Comments (0)
You don't have permission to comment on this page.